Millimizin üzvü Mahir Emrelinin də çıxış etdiyi "Legiya" Avropa Liqasının qrup mərhələsinin 1-ci turunda "Spartak"la səfər oyunundan əvvəl rəqibin azarkeşlərinin qəzəbinə səbəb olan addım atıb.
Bakumedia.az xəbər verir ki, klub Moskvada bir neçə böyük ticarət mərkəzlərinin reklam fasadlarında öz futbolçularının rəsmləri olan - "Moskva, biz qayıtdıq" adlı banerləri yerləşdirib. Bununla da Varşava təmsilçisi 2011-ci ildə "Spartak"ı Avropa Liqasında mübarizədən kənarlaşdırdıqları oyunu yada salıb. Bu isə rəqib azarkeşlərin etirazına səbəb olub.
Qeyd edək ki, banerdə Mahir Emrelinin də şəkli yer alır.
Əlavə edək ki, bu gün keçiriləcək "Spartak" - "Legiya" oyunu Bakı vaxtı ilə saat 18:30-da start götürəcək.
