“WhatsApp” sosial şəbəkəsi növbəti yeniliyini istifadəçilərin ixtiyarına verib.
Bakumedia.az xəbər verir ki, bu barədə şirkətin icraçı direktoru Uill Ketkart məlumat verib.
O bildirib ki, sözügedən funksiyada istifadəçilər yaxınlıqdakı mağaza, restoran, emalatxana və digər müəssisələri rahatlıqla tapa biləcəklər.
Hazırda Braziliyanın San-Paulu şəhərində və yalnız "Android" əməliyyat sistemində aktiv olan funksiyanın adı "Yaxınlıqdakı müəssisələr"dir.
İcraçı direktor gələcəkdə yeni funksiyanın əhatə dairəsini genişləndiriləcəyini də bildirib.
